თბილისში ბინის გაქურდვის გამო ერთი პირი დააკავეს. ამის შესახებ ინფორმაციას შინაგან საქმეთა სამინისტრო ავრცელებს. მათივე ცნობით, დაკავებულმა დიდ დიღომში ერთ-ერთი ბინიდან ოქროს ნივთები და ძვირფასეულობა მოიპარა.

უწყების ინფორმაციით, დაკავებული ბინის ქურდობის გამო წარსულში მრავალჯერაა ნასამართლევი.

მომხდარზე გამოძიება საქართველოს სისხლის სამართლის კოდექსის 177-ე მუხლის მე-3 ნაწილის "გ" ქვეპუნქტით მიმდინარეობს. დანაშაული 4-დან 7 წლამდე ვადით თავისუფლების აღკვეთას ითვალისწინებს.

"პოლიციამ, დაკავებულის პირადი ჩხრეკისას, მოპარული ძვირფასეულობა და ოქროს ნივთები სრულად, ნივთმტკიცებად ამოიღო. ასევე, ამოღებულია ქანჩი და კუსტარულად დამზადებული, კარის გასაღები ხელსაწყოები, მათ შორის ე.წ. "ატმიჩკები", — ნათქვამია შსს-ს განცხადებაში.