შს მინისტრის მოადგილის შალვა ხუციშვილის თქმით, ახალციხის ინციდენტთან დაკავშირებით გამოძიება 178-ე მუხლის პირველი ნაწილით მიმდინარეობს, რაც ძარცვას გულისხმობს. ამის შესახებ მან დღეს, 28 ოქტომბერს, უწყებათაშორისი კომისის სხდომაზე, ჟურნალისტებთან საუბრისას განაცხადა:

"გამოძიებამ უნდა დაადგინოს ვინ დაიკითხება, შეატყობინოს როგორც წესია, ან მიიყვანოს. დღეს დილას იყო დაგეგმილი ადგილის დათვალიერება, რომ ენახათ რა მოხდა, სად მოხდა, ადგილზე რამე კვალი არის თუ არა. ჩვენ განსაკუთრებულ ყურადღებას მივაქცევთ ამ გამოძიებას".

ნაციონალური მოძრაობის წევრის ელენე ხოტარიას განცხადებით, ახალციხეში, ნაციონალური მოძრაობის შტაბის თანამშრომელს თავს დაესხნენ და ფიზიკურად გაუსწორდნენ.

ხოშტარიას თქმით, პარტიის შტაბის წარმომადგენელი საარჩევნო შეხვედრის გადასაღებად მიდიოდა, რა დროსაც მის წინ მოძრავი გუბერნატორის ავტომობილი გაჩერდა, გადმოვიდნენ პირები და მას ფიზიკურად გაუსწორდნენ.