ქუთაისი-სამტრედიის გზაზე ავარიის შედეგად ახალგაზრდა ქალი და მცირეწლოვანი ბავშვი გარდაიცვალნენ. ინციდენტი გუშინ, 18 იანვარს მოხდა.

როგორც შინაგან საქმეთა სამინისტროში On.ge-ს უთხრეს, მანქანა ქუთაისი-სამტრედიის საავტომობილო გზის გამყოფ ჯებირს შეეჯახა. ახალგაზრდა ქალი ადგილზე გარდაიცვალა, ბავშვი კი საავადმყოფოში გადაყვანისათანავე. უწყებაში განმარტავენ, რომ გარდაცვლილები ერთმანეთის ნათესავები იყვნენ.

გამოძიება მიმდინარეობს სისხლის სამართლის კოდექსის 276-ე მუხლის მე-8 ნაწილით მიმდინარეობს, რაც ავტომობილის მოძრაობის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია. ისჯება თავისუფლების აღკვეთით ვადით ექვსიდან ათ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.