გადაცემაში მთავარი, ჟურნალისტის თამარ ჩიქოვანის შეკითხვას, შესაძლებელია თუ არა რუსეთთან მოლაპარაკებების გზით, საქართველოსთვის სასურველი მიზნის მიღწევა, მთაწმინდის მაჟორიტარობის დამოუკიდებელმა კანდიდატმა, სალომე ზურაბიშვილმა ასე უპასუხა:

"ყოველთვის შესაძლებელია შედეგის მოლაპარაკების გზით მიღწევა. ყოველთვის საჭიროა ამის მცდელობა. დღეს დაბლოკილი ვართ ამ კუთხითაც. ის ოკუპანტის სტატუსი, რაც მას მიენიჭა და რეალობის სწორი ასახვაა, ამავე დროს ჩვენ ყოველმხრივ გვბლოკავს. ჩვენ ვერ ვმონაწილეობთ იმ მოლაპარაკებებში, ჩვენი უცხოელი პარტნიორები, რომლებიც ჩვენს სუვერენიტეტს იცავენ, ისინი თავისუფალი არიან, რომ ამ ოკუპანტს დაელაპარაკონ. და ჩვენ მხოლოდ აბაშიძის ფორმატში [ვსაუბრობთ]. ეს ჩვენი შეზღუდვაა, რადგან ქვეყანა, რომელსაც არ შეუძლია, არ აპირებს სამხედრო გზით [მოქმედებას], ვერ ვიტყვით უარს დიპლომატიურ გზაზე. რომ ეს დიპლომატიურ გზა არ არის დათმობის გზა, რომ აქ უნდა იყოს ჯებირები. რომ ამ გზაზე არ შეიძლება დადიოდნენ ოპოზიციონერები. ეს დიპლომატიური გზა შიგნით კარგად უნდა იყოს შეთანხმებული, ყველა პარტიის კონსესუსი უნდა იყოს".