შინაგან საქმეთა სამინისტროს ინფორმაციით, საქართველო-აზერბაიჯანის სახმელეთო საზღვრის შეუთანხმებელ მონაკვეთზე ინციდენტი მოხდა, რა დროსაც საქართველოს ერთი მოქალაქე დააკავეს.

მათი ინფორმაციით, დაკავებულმა ცეცხლსასროლი იარაღისა და ხელყუმბარის გამოყენების მუქარით, ქართველი მესაზღვრე აიძულა გადაადგილებულიყვნენ საზღვრის შეუთანხმებელი მონაკვეთის მიმართულებით. უწყების ინფორმაციით, დაკავებულმა ცეცხლსასროლი იარაღიდან რამდენიმეჯერ გაისროლა.

უწყების ინფორმაციით, ამ დროისთვის ინციდენტი სრულად ამოწურულია და დაკავებულს ბრალად მძევლად ხელში ჩაგდება ედება. მომხდარზე გამოძიება საქართველოს სისხლის სამართლის კოდექსის 236-ე მუხლის მე-3 და მე-4 ნაწილებით (ცეცხლსასროლი იარაღისა და ასაფეთქებელი მოწყობილობების შეძენა-შენახვა-ტარება) და 144-ე მუხლის მე-2 ნაწილის "ი" (მძევლად აყვანა) ქვეპუნქტით მიმდინარეობს. ამ მუხლებისთვის პატიმრობა სამიდან ცხრა წლამდეა გათვალისწინებული.