24 წლის მურად წურწმიას მკვლელობაში ბრალდებულ სპეცრაზმელს, ზურაბ ფოფხაძეს ბრალი დაუმძიმდა. ამის შესახებ ინფორმაციას პროკურატურა ავრცელებს. მათივე ინფორმაციით, საქმეზე ბრალდებული მეორე პირს დაკავების შემდეგ, გამოიკვეთა, რომ დანაშაული ჯგუფურად იყო ჩადენილი.

"გარდაცვლილი მურად წურწუმიას საქმეზე, ზურაბ ფოფხაძეს ბრალის დაზუსტების შედეგად დაუმძიმდა ბრალი საქართველოს სისხლის სამართლის კოდექსის 117 -ე მუხლის მეექვსე ნაწილით და სსკ-ის 126 -ე მუხლის პირველი პრიმა ნაწილის "ბ" ქვეპუნქტით გათვალისწინებული დანაშაულის ჩადენისათვის, რაც სასჯელის სახით ითვალისწინებს თავისუფლების აღკვეთას 8-დან 11 წლამდე", — აცხადებენ პროკურატურაში.

ზურაბ ფოფხაძეს სასამართლომ, გუშინ, 8 იანვარს აღკვეთის ღონისძიების სახით პატიმრობა შეუფარდა. აღნიშნულ საქმეზე მეორე პირი პროკურატურამ გუშინ დააკავა.