ირანის მიერ ამერიკული ბაზების დაბომბვის შემდეგ აშშ-ს სახელმწიფო მდივანი მაიკ პომპეო უცხოელ დიპლომატებს მოუწოდებს, არ შეხვდნენ ირანის ოპოზიციურ ძალებს სპეციალური თანხმობის გარეშე. მისი თქმით, ამერიკამ მსგავსი შინაარსის კაბელი — შეტყობინება ყველა მის უცხოეთის მისიას გაუგზავნა. პომპეოს თქმით, ეს კიდევ უფრო ამძაფრებს დაძაბულობას.

"აშშ-ს მთავრობის პირდაპირმა ზემოქმედებამ ამ ჯგუფებზე შეიძლება გამოიწვიოს ჩვენი პოლიტიკის მიზნის საწინააღმდეგო მოქმედება. ჩვენი მიზანია ირანის რეჟიმთან ყოვლისმომცველი შეთანხმება გაფორმდეს, რომელიც მიმართვს მის დესტრუქციულ ქცევას. პირდაპირი შეჯახება ჩვენი პოლიტიკის მიზნებს ეწინააღმდეგება", — წერს პომპეო.

ტექსტს სპეციალური კაბელიდან CNN ავრცელებს. შეტყობინებაში ნათქვამია, რომ ირანული ჯგუფები მრავალი გზით ცდილობენ ჩართონ აშშ-ს ოფიციალური პირები მიმდინარე მოვლენებში. მათ სურთ გაზარდონ მათი ხილვადობა და პოლიტიკური მიზნების მისაღწევად ადრეც და ახლაც იყენებენ ძალადობრივ მეთოდებს.

ირანმა ერაყში მინიმუმ ორ ამერიკულ ბაზას ბალისტიკური რაკეტები ესროლა. აშშ-ის ცნობით, ამერიკული სამხედრო ბაზების მიმართულებით სულ მცირე 12 რაკეტა ისროლეს. თავდასხმა გასულ კვირას ირანელი გენერლის, სოლეიმანის ლიკვიდაციას უკავშირდება.

აშშ-ს სამხედრო ძალების წარმომადგენელმა თქვა, რომ სამხედრო პირები წინასწარ გააფრთხილეს და ბაზებზე მყოფმა ჯარისკაცებმა ბუნკერებისთვის თავის შეფარება დროულად შეძლეს. დონალდ ტრამპმა აღნიშნა, რომ ჯერჯერობით ყველაფერი რიგზეა და განცხადებას ხვალ გააკეთებს.

გაიგეთ მეტი: