სასწავლო ცენტრ კრწანისის მიმდებარე ტერიტორიაზე მოკლულის, გიგა შენგელიას მამა, რომან შენგელია ამბობს, რომ იმ შემთხვევაში თუ გამოძიება სათანადოდ არ წარიმართება, შვილის ცხედარს ზუგდიდის ცენტრში დაასვენებს და საპროტესტო აქციებს გამართავს:

"ექსპერტიზა აუცილებლად უნდა იყოს. ჩვენი ოღონდ, იმათი არა. აგერ მისვენია ერთი, მეორეს დასვენებას მე არ ვაპირებ. ამიტომ გავაკეთე მე ეს განცხადება. გამოძიება უნდა ჩაატარონ როგორც საჭიროა, ისე. ისე არა, როგორც თვითონ უნდათ. თუ არადა, მე დილით ავიყვან ჩემს ბავშვს, გავიყვან ქუჩაში".

გარდაცვლილის მამა ასევე ამბობს, რომ მისი შვილი 23 ოქტომბერს გამთენიისას, 4-ის ნახევარზე მოკლეს, თუმცა, მის გვამს მხოლოდ იმავე დილის 8 საათზე მიაგნეს:

"ას მეტროში ეგდო ბავშვი, იქნებ რაღაც შველოდა. მინისტრმა რომ არ იცოდეს, ისე არ იფარება ასეთი რაღაცები".

23 ოქტომბერს წვრთნებისა და სამხედრო განათლების მხარდამჭერ ცენტრ კრწანისში უცხო პირები შეიჭრნენ. სამინისტროს განცხადებით, შეჭრის შემდეგ მიმდებარე ტერიტორიაზე ერთ-ერთი თავდამსხმელის გვამი აღმოაჩინეს. სწორედ აღნიშული პირია გიგა შენგელია. მისი ძმის, გიორგი შენგელიას ადგილმდებარეობა, რომელიც, სავარაუდოდ, ძმასთან ერთად იმყოფებოდა, ამ დროისთვის უცნობია.