"სიგრძეც და სიგანეც ნაცებს გეყოფათ" — ასე მიმართა თბილისის მერმა, კახა კალაძემ, ტელეკომპანია მთავარი არხის ჟურნალისტს, საახალწლო ნაძვის ხის შესახებ კითხვის დასმისას.

ტელეკომპანიის ჟურნალისტი დაინტერესდა, თუ რატომ არის საახალწლო ნაძვის ხეზე ტოტების სიმცირე და რამდენად სწორად იყო შევსებული სატენდერო პირობები. რაზეც თბილისის მერმა მოუწოდა, რომ გაერთონ, რადგან ახალი წელია.

"ისიამოვნეთ, თან თქვენ ახლა გჭირდებათ სიამოვნება..." — განაცხადა კალაძემ.

2019 წლის ნაძვის ხე თბილისის მერიამ ტენდერით იყიდა. ტენდერში იტალიურმა კომპანია IDO SRL-მა გაიმარჯვა, ამ კომპანიის წარმოებული სათამაშოებით გაფორმდა თბილისის ქუჩების ნაწილი. ნაძვის ხეს, რომელიც ბიუჯეტს მილიონ ლარამდე უჯდება, ერთწლიანი გარანტია აქვს.

თბილისის საახალწლო ნაძვის ხე გუშინ, 25 დეკემბერს, საზეიმოდ აინთო. ნაძვის ხის ვიზუალი სოციალურ ქსელებში კრიტიკის საგანი გახდა.

გაიგეთ მეტი: