პრეზიდენტ სალომე ზურაბიშვილს ინიციატივა აქვს, რომ დიასპორას პარლამენტში საკუთარი წარმომადგენელი ჰყავდეს. მისივე თქმით, ბევრი ქვეყნის მაგალითი არსებობს თუ როგორ უნდა იყოს წარმოდგენილი დიასპორა საკანონმდებლო ორგანოში.

როგორც ზურაბიშვილი აცხადებს, მნიშვნელობა არ აქვს, თუ როგორი საარჩევნო სისტემა იქნება:

"ეს ეხება ყველა პარტიას. მათ მივმართავ, რომ ყველას შეუძლია თავის სიაში შეიყვანოს დიასპორის ერთი წარმომადგენელი მაინც და ამ კუთხით დიასპორა იქნება წარმოდგენილი არა მხოლოდ პარტიულად, მაგრამ თავისი ინტერესებით. თუ მაჟორიტარული სისტემა იქნება, შეიძლება, შევქმნათ ერთი მაჟორიტარული ადგილი ან ორი დიასპორისთვის, რაც, ასევე, არსებობს სხვადასხვა ქვეყნის გამოცდილება".