გორის მუნიციპალიტეტის მერი, კონსტანტინე თავზარაშვილი ადასტურებს, რომ თბილისში ქართული ოცნების ზეიმზე ააიპ-ის თანამშრომლები და საჯარო მოხელეები მიჰყავს. მისივე თქმით, აქციაზე იქნება "ყველა, ვინც კი სურვილი გამოთქვა".

"რა თქმა უნდა, პარტიამ დააფინანსა. ამას არავინ არ მალავს. არ ვიცი რამდენი მარშუტკაა, მაგრამ 3 500 კაცზეა საუბარი", — განუცხადა გორის მერმა მთავარ არხს.

ქართული ოცნება დღეს, 14 დეკემბერს, აქციას მართავს, რომელზეც ევროსაბჭოს თავმჯდომარეობა უნდა იზეიმონ. ამ ღონისძიებაზე არ არიან მიწვეული ევროპელი დიპლომატები და მხოლოდ პარტიის მხარდამჭერები შეიკრიბებიან. პარტიამ საზეიმო აღნიშვნის კვირეული დედაქალაქში ბიძინა ივანიშვილის დაპირების შეუსრულებლობით გამოწვეულ საპროტესტო აქციების დაუმთხვია.