რაზე ხარ წამსვლელი (უფრო სწორად კი, გამქცევი) სწორედ იმ ქურთუკისთვის, რომელიც ერთხელ ინსტაგრამზე შეგხვდა, მერე ძალიან დიდხანს ეძებე და ვეღარსად იპოვე?

და იმ ჯინსისთვის, თავში რომ წარმოიდგინე იდეალურ "ლუქად" შენს კომფორტულ კედებთან და ახალ ჯემპრთან ერთად?

და ზურგჩანთისთვის თუ აუჩქარებდი ნაბიჯს, თუ გეცოდინებოდა, რომ ამიერიდან ის ყველა მოგზაურობაში შენი თანამგზავრი იქნება?

ეს კითხვები სულაც არაა თეორიული, რადგან სულ ახლახან თბილისელების ერთ ნაწილს მართლაც დასჭირდა სასურველი სამოსისთვის სირბილი.

თუ ჯერ კიდევ არ ჩაგირთავთ ვიდეო, მაშინ მოკლედ მოგიყვებით: ამ ვიდეოში უსაყვარლესი გოგო ძაღლებს უმეგობრდება, ბანქოს თამაშობს და რაც მთავარია, გამვლელებს პირობას უყენებს: თუ ისინი შეზღუდულ დროში ატელიე აუთლეტში კონკრეტულ ნივთს იპოვიან, მაშინ ეს ნივთი მათი გახდება.

სირთულეები:

  • მხოლოდ 10 წუთი დავალების შესასრულებლად;
  • სწრაფად ორიენტირების აუცილებლობა;
  • 5 000 ნივთს შორის ერთი კონკრეტულის გამორჩევის ვალდებულება.

უპირატესობები:

  • ასეთი ბრძოლით მოპოვებული ყოველი ნივთი ბევრად ძვირად ფასობს, მაგრამ ამავე დროს, სრულიად უფასოა.

გარდა იმისა, რომ ვიდეოს თვალს ვერ მოაცილებთ (ხომ უნდა გაიგოთ, მოიპოვა თუ არა ხუჭუჭა გოგომ წითელი ჟაკეტი!), ის შეგრძნებაც გაგახსენდებათ, რომელიც საკიდებს შორის იმ ერთადერთი ნივთის პოვნას მოსდევს, რომელიც არც კი იცოდი, რომ გინდოდა.

და ღირს თუ არა ეს ნივთები გასაქცევად?

თავად განსაჯეთ: ატელიე აუთლეტი საქართველოში ყველაზე დიდი აუთლეტების ქსელია, რომელიც 250-ზე მეტი ბრენდის პროდუქციას ყველაზე დაბალ ფასად ყიდის. იმისთვის, რომ ამხელა არჩევანში სასურველი ნივთი აღმოაჩინო, ცოტა ძებნა და გარჯაა საჭირო. პროდუქცია ლიმიტირებულია, აქციები კი სწრაფად სრულდება, შესაბამისად, ატელიეს მომხმარებლებს გადაწყვეტილების მიღება სწრაფად უწევთ: ეს კი ხანდახან სხვა საქმეების გვერდზე გადადებას და დაგეგმილი გზიდან გადახვევასაც ითხოვს - დაახლოებით ისე, როგორც ვიდეოშია, ოღონდ წამყვანისა და კამერების გარეშე.

როგორც გავიგეთ, ეს ვიდეო დიდი მარათონის მხოლოდ დასაწყისია. ყველაზე საინტერესო ნაწილი კი ჯერ კიდევ წინ არის.