რუსთავში მშენებლობიდან ორი მუშა გადმოვარდა და დაშავდა. როგორც On.ge-ს სასწრაფო დახმარების ცენტრში განუცხადეს, დაშავებულები სხვადასხვა სახის მოტეხილობებით რუსთავის ცენტრალურ კლინიკაში გადაიყვანეს.

შინაგან საქმეთა სამინისტროში On.ge-ს უთხრეს, რომ მომხდართან დაკავშირებით გამოძიება სისხლის სამართლის კოდექსის 170-ე მუხლით დაიწყო, რაც უსაფრთხოების ტექნიკის ან შრომის დაცვის სხვა წესის დარღვევას გულისხმობს.

ჯანდაცვის სამინისტროს ინფორმაციით, შემთხვევის ადგილის შესასწავლად გასულია შრომის უსაფრთხოების ინსპექცია.