მეფე ლომისა და ალადინის შემდეგ დისნეიმ კიდევ ერთი საკულტო ანიმაცია გააცოცხლა.

მულანი ამავე სახელწოდების მქონე 1998 წელს შექმნილი ანიმაციის რიმეიქია, რომელშიც მთავარი გმირი ქალი თავს კაცად ასაღებს, რათა ჩინეთის არმიაში იმსახუროს.

ფილმის პირველ ტრეილერში შთამბეჭდავ და ემოციურ სცენებთან ერთად ვხედავთ, თუ რა გზის გავლა უწევს ქალს ტრადიციულ ჩინურ საზოგადოებაში, რათა თავისი სიძლიერე დაამტკიცოს.

"თავდადება, სიმამაცე და ჭეშმარიტება. ვალდებული ვარ, რომ ჩემი ოჯახი დავიცვა", - გვესმის მულანის მიერ წარმოთქმული ფრაზა ფილმის ტრეილერში.

ოც წელზე მეტი ხნის წინ გადაღებული ანიმაციის მოყვარულები ამ ახალი ტრეილერიდანაც კი შენიშნავდნენ რიგ დეტალებს, რომლებიც ზუსტად იმეორებს ანიმაციაში გამოყენებულ სცენებს.

ფოტო: Disney

ფოტო: Disney

ფოტო: Disney

მულანის ახალი ეკრანიზაცია ცნობილმა ამერიკელმა რეჟისორმა ქალმა, ნიკი კარომ გადაიღო. ფილმის პრემიერა კინოთეატრებში 2020 წლის 27 მარტს შედგება.