ჯანდარის ტბაზე დაკარგულ ორ კაცს მაშველები მეორე დღეა ეძებენ. საგანგებო სიტუაციების მართვის სამსახურის ინფორმაციით, რთული მეტეოროლოგიური პირობების და ცუდი ხილვადობის მიუხედავად, საძიებო სამუშაოები მთელი ღამის განმავლობაში მიმდინარეობდა.

სამძებრო სამუშაოებში, წყალზე სამაშველო ჯგუფებთან ერთად, სპეციალური ტექნიკის საშუალებით ტბის ფსკერის წყალქვეშა მონიტორინგიც მიმდინარეობს.

უწყების ინფორმაციით, 2 დეკმებრს, დღის განმავლობაში სამძებრო სამუშაოებში ჩართული იყო საქართველოს შინაგან საქმეთა სამინისტროს სასაზღვრო პოლიციის ვერტმფრენი, ასევე, აზერბაიჯანული მხარის მფრინავი აპარატი, რომელიც დაკარგულებს აზერბაიჯანულ მხარეს ეძებდა.

ჯანდარის ტბაზე ორი ადამიანი გუშინ, ორ დეკემბეს დაიკარდა. სავარაუდოდ, ისინი ტბაში ნავით სათევზაოდ შევიდნენ და ძლიერი ქარის გამო უკან დაბრუნება ვერ შეძლეს.