არა ნაცებს! — ნაციონალური მოძრაობის წინააღმდეგ ვერის ბაღში აქცია გაიმართა. ბაღში შეკრებილები ოპოზიციის პროტესტის გამოხატვის ფორმას აპროტესტებენ. აქციის ორგანიზატორი მსახიობი ბესო ზანგურია.

"გვაქვს ერთადერთი მოთხოვნა, აიკრძალოს და კანონით დასჯადი გახდეს ჩვენი ქვეყნის პატრიარქის შეურაცხყოფა საჯაროდ და ასევე რელიგიური ცინიზმი, დამახინჯებული ხატებით სირბილი," — განაცხადა ზანგურმა.

ნაციონალური მოძრაობის წინააღმდეგ საპროტესტო აქცია მიმდინარეობს ქუთაისშიც. "დემიშიზაცია ქუთაისიდან იწყება" ამ წარწერის მქონე ბანერით ქართული ოცნების მხარდამჭერებმა ქალაქში მსვლელობა მოაწყვეს. აქტივისტებმა ოფისს კვერცხები და საღებავი ესროლეს.