ბერლინში ვლადიმერ პუტინის ვიზიტს მოქალაქეები საპროტესტო აქციით დახვდნენ. რაიხსტაგის შენობის წინ მათ "სისხლიანი" სათამაშო დათვები მიიტანეს.

სათამაშოებს თავზე დოლბანდები ეკეთათ და წითელი საღებავებით იყვნენ შეღებილები, ისინი გამოხატავდნენ ბავშვებს, რომლებიც სირიის ომის დროს დაიღუპნენ.

"შეწყვიტეთ ალეპოს ბავშვების დაბომბვა" - ეწერა მომიტინგეების მიერ მიტანილ ტრანსფარანტებზე.

მიტინგზე იყვნენ უკრაინელებიც. "თავისუფლება უკრაინას, თავისუფლება სირიას" - სკანდირებდნენ ისინი.

2 დღის წინ ალეპოს დაბომბვას ერთი ოჯახის 20 წარმომადგენელი ემსხვერპლა, მათგან 9 ბავშვი, რის შემდეგაც რუსეთმა ქალაქის დაბომბვა დროებით შეწყვიტა.

რუსეთმა სირიის ტერიტორიაზე საჰაერო დაბომბვები ე.წ. ისლამური სახელმწიფოს მებრძოლების წინააღმდეგ 2015 წლის 30 სექტემბერს დაიწყო, 16 აგვისტოს კი ალეპოს დაბომბვა ირანის ბაზების გამოყენებით განაახლა. ომს უამრავი მშვიდობიანი მოსახლე, მათ შორის ბავშვები, ემსხვერპლა.

ომის დროს დაიღუპნენ მაშველებიც. სირიის ომის მოხალისე გმირებზე Netflix მოკლემეტრაჟიან დოკუმენტურ ფილმი გადაიღო.