ბილი აილიში მხოლოდ 15 წლის იყო, როცა Vanity Fair-მა მასთან პირველი ინტერვიუ ჩაწერა. მაშინ ბილი პერსპექტიულ ვარსკვლავად ითვლებოდა და ინსტაგრამზე 257 000 ფოლოვერი ჰყავდა. ერთი წლის თავზე მუსიკოსმა იმავე კითხვებს თავიდან უპასუხა და ამით საშუალება მოგვცა, პოპულარობისკენ მის ტრიუმფალურ სვლას დავკვირვებოდით. ინტერვიუდან სამი წლის თავზე კი ბილი კიდევ უფრო გაზრდილია და ბევრად უფრო ცნობილიც: ამჟამად მას 40 მილიონი ფოლოვერი ჰყავს. Vanity Fair-ის ამ საოცარ პროექტს "დროის კაფსულა ჰქვია".

როგორ შეიცვალა მუსიკოსის ცხოვრება ამასობაში

  • 2017 წელს ბილის კარიერაში ყველაზე მნიშვნელოვანი მოვლენა ის იყო, რომ Apple Music-მა ამომავალ ვარსკვლავად დაასახელა;
  • 2018 წელს მის ანგარიშზე უკვე ელენის შოუ, ჯიმი ფელონის შოუ და რამდენიმე ფესტივალი იყო;
  • 2019 წელი: ბილის წლის ყველაზე გაყიდვადი ალბომი და ბილბორდის სიაში #1 ჰიტი ეკუთვნის. გარდა ამისა, მან SNL-ის სეზონი გახსნა და მსოფლიო ტურნეში მიიღო მონაწილეობა.
  • 2017 წლის ინტერვიუში მუსიკოსი ჯერ კიდევ გულუბრყვილოდ უყურებს მუსიკალურ ინდუსტრიას, 2018 წლის ინტერვიუში ბილი ბევრად უფრო სევდიანი და დაღლილი ჩანს, 2019 წელს კი გაცილებით მეტს იღიმის და ამბობს, რომ ვარსკვლავობას უამრავი დადებითი მხარე აქვს.
  • "ახლა მილიარდჯერ უფრო თავდაჯერებული ვარ, ვიდრე წინა ორ წელს", - ამბობს მომღერალი რიგით მესამე ინტერვიუში, - "ასეთი თავდაჯერებული ჯერ არ ვყოფილვარ"

ნახეთ ვიდეო: