თავისუფალი დემოკრატების ყოფილი ლიდერი ირაკლი ალასანია აცხადებს, რომ მიუხედავად მარცხისა, პარტიამ მოქმედებები არ უნდა შეაჩეროს:

"თავისუფალმა დემოკრატებმა უნდა გააგრძელოს პოლიტიკური ცხოვრება და მე მჯერა, რომ 4 წლის შემდეგ ჩვენს პარტიას ექნება საშუალება, თავისი სიტყვა თქვას პოლიტიკაში და მეტ მხარდაჭერა მოიპოვოს".

მან მადლობა გადაუხადა თავის ყოფილ თანაგუნდელებს, მათ შორის მათაც, ვინც პარტია დატოვეს:

"ჩვენ თითქმის შიშველი ხელებით ვიბრძოდით" - განაცხადა მან რუსთავი 2-ის ეთერში.

ირაკლი ალსანიას თქმით, ის იქნება იქ, სადაც საზოგადოებას დასჭირდება, არჩევნების შედეგებმა კი მას მცირე მხარდაჭერა აჩვენა, ამიტომაც დატოვა პოლიტიკა:

"მე ამ ოთხ წელიწადს გამოვიყენებ ისე, რომ მაქსიმალურად სასარგებლო ვიყო საზოგადოებისთვის".

თავისუფალი დემოკრატების ყოფილი ლიდერი ირაკლი ალასანია, რუსთავი 2-ის გადაცემა არჩევანში პოლიტიკიდან დროებით წასვლის შემდეგ პირველად აძლევს ინტერვიუს.