უკვე ათი დღეა ფინანსური პოლიცია და შინაგან საქმეთა სამინისტრო არკვევს, რომელმა უწყებამ უნდა გამოიძიოს And Then We Danced-ის არალეგალურად გავრცელებაზე შეტანილი საჩივარი. გამოძიება საქართველოს არც ერთ საგამოძიებო უწყებაში ამ დრომდე არ დაწყებულა.

ინტერნეტში ფილმ And Then We Danced-ის არასრული სამუშაო ვერსიის გავრცელებაზე ფილმის პროდიუსერმა, ქეთი დანელიამ შინაგან საქმეთა სამინისტროს 10 ნოემბერს მიმართა. განცხადება უწყებამ ფინანსურ პოლიციას გადაუგზავნა, ფინანსურმა პოლიციამ შსს-ს დაუბრუნა. ბოლო მონაცემებით, შინაგან საქმეთა სამინისტრომ საქმე ისევ ფინანსურ პოლიციას გადაუგზავნა.