აბაშიძე-კარასინის მორიგი შეხვედრა პრაღაში დღეს გაიმართება. რუსეთთან ურთიერთობების საკითხებში საქართველოს პრემიერის სპეციალური წარმომადგენელი, ზურა აბაშიძე ჩეხეთის დედაქალაქში უკვე გაემგზავრა.

როგორც მან წასვლის წინ განმარტა, შეხვედრის მთავარი განსახილველი საკითხი რუსეთის მხრიდან საქართველოს მოქალაქეებისთვის სავიზო რეჟიმის გამარტივება იქნება:

"შემიძლია ერთი საკმაოდ სასიამოვნო თემა დავაანონსო. უახლოესი კვირების მანძილზე იწყება პროცესი ჩვენი ფილმების არქივის გადმოტანისა რუსეთიდან. ამ წლის იანვრიდან საგრძნობლად გამარტივდა სავიზო მოთხოვნები საქართველოს მოქალაქეებისთვის, მაგრამ თუ არის რაღაც წინსვლა, მათ რაღაც განცხადებები გააკეთეს რამდენიმე თვის წინ, რომ თითქოს კიდევ უფრო გამარტივებას ფიქრობენ და გეგმავენ".