აქციას დავიბრუნოთ ქვეყანა ახალი მოთხოვნები აქვს, რომელიც პროტესტის მონაწილეებს ახლახანს გააცნეს. აქტივისტები ითხოვენ მთავრობის გადადგომას და ვადამდელ პროპორციულ არჩევნებს.

კერძოდ, საუბარია გერმანულ საარჩევნო მოდელზე, რომლის მისაღებადაც მათი თქმით, 3 კვირა და 76 ხმაა საჭირო 113-ის ნაცვლად. მათივე თქმით, არჩევნები უნდა ჩაატაროს დროებითმა მთავრობამ, რაც ნიშნავს, რომ გახარიას მთავრობა უნდა გადადგეს.

"არ ვიშლებით მოთხოვნების შესრულებამდე. ვამაგრებთ რუსთაველს, ვპიკეტირებთ სახელმწიფო შენობებს, არავითარ შემთხვევაში არ დავთმობთ.

ყველა პოლიტიკურ სუბიექტს მოვუწოდებთ შემოუერთდეს ამ მოთხოვნებს", — აცხადებს მოძრაობა #სირცხვილია.

ორდღიანი გამაფრთხილებელი აქციების შემდეგ საქართველოს პარლამენტთან ფართომასშტაბიანი პროტესტი დაიწყო, როცა უმრავლესობამ პროპორციული საარჩევნო სისტემის კანონპროექტი ჩააგდო. ბიძინა ივანიშვილის დაპირება არ შესრულდა და საზოგადოებამ პასუხები მოითხოვა.

ქართული ოცნების წინააღმდეგ მთელი პოლიტიკური სპექტრი გაერთიანდა. ისინი ვადამდელ საპარლამენტო არჩევნებს ითხოვენ, რომელიც პროპორციული წესით და გარდამავალი მთავრობის პირობებში უნდა ჩატარდე.

ქართულ ოცნებას უპირისპირდება პატრიოტთა ალიანსიც, თუმცა საერთო პროტესტისგან გამიჯნულად.