ერთიანი ნაციონალური მოძრაობის წარმომადგენელ მიხეილ მაჭავარიანის განცხადებით, საპარლამენტო უმცირესობა ბიუჯეტის განხილვასთან დაკავშირებით შეკრებას არ აპირებს.

ნაციონალური მოძრაობს ლიდერი აცხადებს, რომ ბიუჯეტში არ არის ასახული ის რაზეც ქართული ოცნება საუბრობდა წინასაარჩევნო კამპანიის დროს, მათ შორის პენსიების ზრდა, ინფრასტრუქტუტული პროექტები და ა.შ.

"აქ არ წერია, რომ გაიზრდება პენსიები, არ წერია, რომ უფრო მეტი დაიხარჯება ინფრასტრუქტურაზე. საქართველოს პარლამენტში მიმდინარეობს 2017 წლის სახელმწიფო ბიუჯეტის პროექტის განხილვა. ჩვენ გავაკეთეთ განცხადება როდესაც ბიუჯეტის პროექტი შევიდა პარლამენტში და ვთქვით, რომ ეს არის ფაქტობრივად აღიარება იმის, რომ ქართული ოცნება არ აპირებს არაფრის გათვალისწინებას ბიუჯეტში. ჩვენ ვერ ვხედავთ აზრს დღეს შეიკრიბოს უმცირესობა და განიხილოს ბიუჯეტის ის პროექტი, რომელიც არის აღიარებითი ჩვენება ოცნების, რომ არ აპირებს დაპირებების შესრულებას".

2017 წლის ბიუჯეტის პროექტის საპარლამენტო კომიტეტების ფარგლებში განხილვა დღეს სრულდება, რის შემდეგაც პროექტი მთავრობას უკან დაუბრუნდება.

2017 წლის ბიუჯეტის პროექტის მოცულობა განსაზღვრულია 10 მილიარდ 555 მილიონი ლარით. საბიუჯეტო ზრდა შეეხება განათლების, ჯანდაცვის და რეგიონული განვითარებისა და ინფრასტრუქტურის სამინისტროებს.