პარლამენტის თავმჯდომარე არჩილ თალაკვაძე აცხადებს, რომ დაპირისპირებული დეპუტატების დასაშოშმინებლად მზად არის ისინი პიტნის ჩაიზე დაპატიჟოს.

თალაკვაძე შენიშვნას აძლევდა დეპუტატებს ქცევის გამო რა დროსაც, მას ადა მარშანიამ საუბარი გააწყვეტინა და განაცხადა, რომ ეს ჩხუბი ჯანსაღია.

"ბატონო თავმჯდომარევ, ძალიან ჯანსაღი დაპირისპირებაა არის დღეს აქ. ეს კარგია ქვეყნისთვის, მთავარია დამთავრდეს სწორად დაპირისპირება" — განაცხადა მარშანიამ.

პასუხად თალაკვაძემ განაცხადა: "იმისათვის რომ დამთავრდეს სწორად, მე მზად ვარ პიტნის ჩაიზეც კი დაგპატიჟოთ".

ამ სიტყვებამდე პარლამენტში გედევან ფოფხაძემ დაჩი ბერაიას აგინა, "დაბრედით" დაემუქრა" და თქვა, რომ "ყ*ეზე კიდია კონსტიტუცია". შემდეგ კი კობა ლურსმანაშვილმა და ლევან გოგიჩაიშვილმა იკამათეს და გოგიჩაიშვილმა მას ნაძირალა უწოდა.

დღეს, 12 ნოემბერს პარლამენტში პროპორციულ საარჩევნო სისტემას განიხილავენ. საპარლამენტო უმრავლესობის მიერ მომზადებული პროექტი 2020 წლის საპარლამენტო არჩევნების პროპორციული სისტემით ჩატარებას ითვალისწინებს. კერძოდ, პოლიტიკური სუბიექტის მანდატების რაოდენობის დასადგენად, პარტიის მიერ მიღებული ხმების რაოდენობა 150-ზე გამრავლდება და არჩევნებში მონაწილე ყველა პოლიტიკური ძალის მიერ მიღებული ხმების ჯამზე გაიყოფა. არჩევნები ნულოვანი ბარიერის პირობებში ჩატარდება. ასევე, ახალი პროექტი საარჩევნო ბლოკების მონაწილეობის შესაძლებლობას არ ითვალისწინებს.

გაიგე მეტი: