შინაგან სამეთა სამინისტროს ცნობით, რუსთავის საქალაქო სასამართლოდან გაქცეული, წარსულში ნასამართლევი მსჯავრდებული, თბილისის ერთ-ერთ რესტორანში დააკავეს.

მსჯავრდებულზე ძებნა 2016 წლის 1 სექტემბერს გამოცხადდა.

შსს-ს ცნობით, ძებნილი მსჯავრდებული რუსთავის მე-16 პენიტენციურ დაწესებულებაში სასჯელს ქურდობის, ყაჩაღობის და ქურდობის მცდელობის ბრალდებით იხდიდა. იგი სასჯელაღსრულების დაწესებულებიდან სასამართლოში ბადრაგირების დროს გაიქცა.

შსს-ს განცხადებით, სამართალდამცველებმა დაკავებისას ოქროს ძეწკვები, ჯვრები, საყურეები და ბეჭდები ამოიღეს. მათივე ცნობით, აღნიშნული ძვირფასეულობა, დაკავებულებმა თბილისში მდებარე ერთ-ერთ ოქროულობის მაღაზიიდან, ჯგუფური შეიარაღებული ყაჩაღური თავდასხმის დროს გაიტაცეს.

ძებნილ მსჯავრდებულს ბრალი საქართველოს სისხლის სამართლის კოდექსის 379-ე მუხლით და 179-ე მუხლის მე-2 ნაწილის ა და ბ ქვეპუნქტებით გათვალისწინებული დანაშაულებებისთვის წარედგინა. იგი დაკავების ადგილიდან, პენიტენციური დაწესებულებიდან, თავისუფლების შეზღუდვის დაწესებულებიდან ან მოთავსების სხვა ადგილიდან, გაყვანისას/გადაყვანისას ან ექსტრადიციისას ბრალდებულის/ მსჯავრდებულის გაქცევას და სადგომში ან სხვა საცავში უკანონო შეღწევით, ჯგუფურად ჩადენილი ყაჩაღობას გულისხმობს.