სასჯელაღსრულების სამინისტრო აცხადებს, რომ სასამართლო პროცესზე დასწრების მიზნით მიყვანილი პატიმარი გაიქცა და მასზე ძებნა გამოცხადდა:

"ბრალდებულმა ო.გ.-მ, რომელიც დღეს სასამართლო პროცესზე დასწრების მიზნით, რუსთავის საქალაქო სასამართლოში იყო გადაყვანილი, პროცესის დაწყებამდე სპეციალურ ოთახში შეუძლოდ ყოფნა მოიმიზეზა, რის შემდეგაც ადგილზე სასწრაფო-სამედიცინო დახმარების ბრიგადა გამოიძახეს. ბრალდებულმა სამედიცინო პერსონალის მოსვლის შემდეგ, მისთვის სამედიცინო დახმარების გაწევის პერიოდში სასამართლოს შენობიდან გაქცევა მოახერხა".

სამინისტროს ცნობით, ამჟამად მიმდინარეობს გაქცეული პატიმრის ძებნა.