სახალხო დამცველი ნინო ლომჯარია დაშავებულ აქტივიტ ანა სუბელიანს მხარდაჭერას უცხადებს. ომბუდსმენი სოციალურ ქსელში წერს, რომ სასწრაფოდ უნდა მოდეს უშუალო მოძალადის იდენტიფიცირება.

"ეს არის შედეგი ძალადობრივი მოწოდებების და იმის, რომ აქციის მონაწილეები ასე ახლოს მიუშვეს მშვიდობიან მოქალაქეებთან! სასწრაფოდ უნდა მოხდეს როგორც უშუალო მოძალადის იდენტიფიცირება, ასევე, აქციის ორგანიზატორების პასუხისმგებლობის დაყენება ძალადობრივი მოწოდებების გამო! მალე გამოჯანმრთელებას გისურვებ !"— წერს ნინო ლომჯარია.

სამოქალაქო აქტივისტ ანა სუბელიანს კინოთეატრ ამირანის წინ მიმდინარე ჰომოფობიურ აქციაზე ფიზიკური შეურაცხყოფა მიაყენეს და ქვა ან რამიე მსგავსი საგანი ესროლეს. მისი თქმით, პოლიციამ არაფერი მოიმოქმედა, რომ აგრესორები შეეჩერებინა.

"მიზანმიმართული თავდასხმა იყო, მომვარდნენ მიცნეს და მემუქრებოდნენ. პოლიცია არაფერს აკეთებდა ამის შესაჩერებლად. ყველფერი აჩვენებდა, რომ შეიძლებოდა ფიზიკური დაპირისპირების მსხვერპლი გავმხდარიყავი, სრულიად შემთხვევით ვარ გადარჩენილი, რომ თვალი არ დავკარგე".

შინაგან საქმეთა სამინისტრომ მომხდარზე გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს. მათი თქმით, ინციდენტში მონაწილე ერთი პირი პოლიციამ უკვე დააკავა და მიმდინარეობს საგამოძიებო ღონისძიებები.