კინოთეატრ ამირანის მიმდებარე ტერიტორიაზე, სადაც ჰომოფობიური ჯგუფები ფილმ And Then We Danced-ის ჩვენების ჩაშლას ცდილობენ, ორი პირი დააკავეს. შინაგან საქმეთა სამინისტროს ინფორმაციით, ისინი არღვევდნენ საზოგადოებრივ წესრიგს და არ ემორჩილებოდნენ პოლიციის კანონიერ მოთხოვნას.

სავარაუდოდ, დაკავებულია ის ორი პირი, ვინც კინოთეატრში შეჭრა მოახერხა.

შინაგან საქმეთა სამინისტრო კიდევ ერთხელ მოუწოდებს ყველას, დაიცვან კანონის მოთხოვნები. მათი თქმით, წინააღმდეგ შემთხვევაში, პოლიცია იმოქმედებს საკუთარი მანდატის ფარგლებში და საზოგადოებრივი წესრიგის დარღვევის თითოეულ სამართალდარღვევის ფაქტს მოჰყვება უმკაცრესი რეაგირება.