And Then We Danced-ის ქართულ პრემიერამდე ფილმის ახალი კადრები გავრცელდა

სტატიაში გამოყენებულია კადრები, რომლებიც, შესაძლოა, ჯერ არ გქონდეთ ნანახი და თუ გინდათ სპოილერებს თავი აარიდოთ, მაშინ აღარ გააგრძელოთ სტატიის კითხვა.

7 ნოემბერიდან ჰოლანდიურ კინოთეატრ Kriterion-ში რამდენიმე დღის განმავლობაში ქართულ-შვედური ფილმის, And Then We Danced-ის ჩვენები გაიმართება, რასთან დაკავშირებითაც კინოთეატრის ფეისბუქის ოფიციალურ გვერდზე ფილმის აქამდე უცნობი სცენა გავრცელდა.

ამ რამდენიმეწამიან კადრში ჩანს, თუ როგორ ცეკვავს ქართველი მსახიობი, ლევან გელბახიანი ცნობილი შვედი მომღერლის, Robyn-ის სიმღერაზე Honey.

ინტერნეტში გავრცელდა ასევე ახალი ფოტოკადრები ფილმიდან:

ლევან აკინის ამ გახმაურებულ ფილმს, რომელმაც უკვე არაერთი სართაშორისო პრიზი მოიპოვა და შვედეთის სახელით ოსკარების დაჯილდოებაზეც გაიგზავნა, ქართველი მაყურებლები ხვალიდან, 8 ნოემბერიდან ნახავენ ქართულ კინოთეატრებში.