პარლამენტის ადამიანის უფლებათა დაცვის კომიტეტის თავმჯდომარე, სოფო კილაძე აცხადებს, რომ ყოფილმა ქმარმა მასზე ფსიქოლოგიურად იძალადა. ამის შესახებ მან რუსთავი 2-ს უთხრა.

მანამდე სოციალურ ქსელში გავრცელდა ინფორმაცია, რომ ერთ-ერთ დეპუტატზე ქმარმა იძალადა. კილაძე ფიზიკურ ძალადობას არ ადასტურებს.

"დიახ, მე შემიძლია დაგიდასტუროთ, რომ ვიყავი ფსიქოლოგიური ძალადობის მსხვერპლი და მე ვარ მაგალითი, რომ ნებისმიერი ადამიანი, მათ შორის უფლებადამცველი, მათ შორის პარლამენტის წევრი, შეიძლება აღმოჩნდეს მსგავს სიტუაციაში. მე ვუფრთხილდები გარშემომყოფი ადამიანების ემოციურ მდგომარეობას, მათ ჯანმრთელობას, ჩემს არასრულწლოვან შვილს, მის საუკეთესო ინტრესს და აქედან გამომდინარე, შემიძლია ვთქვა, რომ მეტ დეტალურ ინფორმაციას ვერ მოგაწვდით", — ამბობს კილაძე.

რუსთავი 2-ის ცნობით, კილაძის ყოფილ ქმარზე შემაკავებელი ორდერი გაიცა. On.ge შინაგან საქმეთა სამინისტროს დაუკავშირდა და ინფორმაციას მიღებისთანავე შემოგთავაზებთ.