მართალია, ტოდ ფილიპსის ახალ ფილმში - Joker - ახლებურად გაცოცხლებულმა კომიქსის ცნობილმა ისტორიამ მაყურებლებში არაერთგვაროვანი შეფასებები დაიმსახურა, მაგრამ ერთი რამ ფაქტია: ფილმი კინოგაქირავებაში საოცრად წარმატებული აღმოჩნდა.

ჯერ იყო და ფილმმა პირველი კვირის შემოსავლებით აჩვენა ერთ-ერთი საუკეთესო შედეგი და ამით Venom-ის მაჩვენებელი გააუმჯობესა, ახლა კი ყველაზე მაღალშემოსავლიანი კინოსურათი გახდა R-კატეგორიის ფილმებში - ფილმები, რომელთა კინოთეატრში ნახვა ძალადობრივი სცენებისა თუ უცენზურო ლექსიკის გამო ჩვიდმეტ წლამდე მოზარდებისთვის შეზღუდულია.

მანამდე თავისი შედეგით ასევე კომიქსების სამყაროს გმირზე გადაღებული ფილმი, Deadpool-ის მეორე ნაწილი ლიდერობდა $785 მილიონიანი საერთაშორისო შემოსავლებით, Joker-მა კი უკვე გააუმჯობესა ეს შედეგი და კინოგაქირავებიდან მიღებულმა შემოსავლებმა $788.1 მილიონს მიაღწია.

ეს ფაქტი უყურადღებოდ არ დარჩენია ჰოლივუდში თავისი იუმორით ცნობილ დედპულის როლის შემსრულებელს რაიან რეინოლდსის. მსახიობმა ტვიტერის პირად ანგარიშზე ცენზურით შეზღუდული ფილმის წარმატება უცენზურო სიტყვებით აღნიშნა:

ასევე იხილეთ: