კომიქსების სამყაროს ერთ-ერთი ყველაზე ცნობილი პერსონაჟის, ჯოკერის შესახებ ტოდ ფილიპსის მიერ გადაღებული ახალი ფილმის პრემიერა 3 ოქტომბერს შედგა. ვენეციის საერთაშორისო ფესტივალზე საუკეთესო ფილმის წოდების მიღებისა და კრიტიკოსების დადებითი შეფასებების მიუხედავად, ფილმი მაინც მოსალოდნელზე უფრო წარმატებული აღმოჩნდა.

პირველი კვირის მონაცემებით კინოსურათის შემოსავლებმა აშშ-ში 93.5 მილიონ დოლარს მიაღწია, ხოლო საერთაშორისო გაქირავებაში ამჟამინდელი მდგომარეობით 234 მილიონ დოლარზე მეტს ითვლიან. იმის გათვალისწინებით, რომ ბევრ ქვეყანაში კინოთეატრში სეანსზე დასწრება 17 წლამდე მოზარდებს არ შეუძლიათ და თანაც პრემიერა ჯერ კიდევ არ შემდგარა ისეთ დიდ ქვეყანაში, როგორიც ჩინეთია, ეს ბოლო წლების ერთ-ერთი საუკეთესო მაჩვენებელია კინოგაქირავებაში.

როგორც ჩანს, თავისი მზაკვრული ბუნების მიუხედავად, ჯოკერი ფინანსურ წარმატებაში მაინც დაეხმარა თავის შემოქმედებს.

via GIPHY

ასევე იხილეთ: