შვილის მკვლელობაში მსჯავრდებული არასრულწლოვნის ქმარი,მიხეილ დვალიშვილი გორის რაიონულმა სასამართლომ აღკვეთი ღონისძიების გარეშე დატოვა. დვალიშვილს წინასწარი შეცნობით 16 წელს მიუღწეველთან სექსუალური კავშირი ედება ბრალად.

პროკურატურა ბრალდებულისთვის 5 000-ლარიანი გირაოს შეფარდებას ითხოვდა, დაცვის მხარე კი აღკვეთის ღონისძიების გარეშე დარჩენას ითხოვდა.

ბრალდების მხარე აცხადებს, რომ სასამართლოს გადაწყვეტილებას გაასაჩივრებენ.

რაც შეეხება მკვლელობაში მსჯავრდებულ ქალს, ის 7 თვის შვილის მკვლელობის ბრალდებით 21 მაისს დააკავეს. მას გორის რაიონულმა სასამართლომ 8 წლით თავისუფლების აღკვეთა შეუფარდა, რაც არასრულწლოვანთა მართლმსაჯულების კოდექსის 73-ე მუხლის მესამე ნაწილის შესაბამისად 1/4-ით შეუმცირდა და საბოლოოდ, 6 წელი განესაზღვრა.