აზერბაიჯანის დედაქალაქ ბაქოში გამართულ საპროტესტო აქციაზე პოლიციამ ოპოზიციური პარტია სახალხო ფრონტის ლიდერი და 80-ზე მეტი დემონსტრანტი დააკავა. ინფორმაციას გამოცემა Independent ავრცელებს.

მათი ცნობით, აქციის მონაწილეები ხელფასების მომატებასა და სამართლიან და დამოუკიდებელ არჩევნებს ითხოვდნენ. გარდა ამისა, აპროტესტებდნენ კორუფციას.

დაკავებამდე ოპოზიციური პარტიის ლიდერმა, ალი კერიმლიმ თქვა, რომ აქციები გაგრძელება იქამდე, სანამ მათი მოთხოვნები არ შესრულდება.

"ჩვენ ვითხოვთ, რომ ჩვენი კონსტიტუციური უფლებები და თავისუფლება დაცული იყოს. ჩვენ ამ მთავრობის არ გვეშინია და ბოლომდე ვიბრძოლებთ", — განაცხადა პარტიის ლიდერმა.

ადგილობრივი პოლიციის ცნობით, აქციაზე სულ 60 პირი დააკავეს, მათი უმრავლესობა კი უკვე გაათავისუფლეს.