სანდრო მილერი ცნობილი ამერიკელი ფოტოგრაფია, რომელსაც 2013 წელს უცნაური იდეა მოუვიდა თავში: როცა მის სხეულში აღმოჩენილ კიბოს ებრძოდა, ყველა იმ ცნობილ ფოტოგრაფსა თუ მათ მიერ გადაღებულ ისტორიულ ფოტოებზე ფიქრობდა, რომლებმაც მთელი ცხოვრების განმავლობაში მის შემოქმედებაზე წარუშლელი კვალი დატოვეს.

"როცა მკურნალობისას ძირითადად საწოლში ვიწექი, თვალების ყოველი დახუჭვისას ეს სურათები ჩემთან მოდიოდნენ, რადგან ისინი მეტისმეტად კარგად მქონდა აღბეჭდილი ჩემს გონებაში", - იხსენებს ფოტოგრაფი. სწორედ ამის გამო გადაწყვიტა ამ ფოტოებისთვის ახალი ხორცი შეესხა.

სანდრო მილერს სურდა, რომ ერთ ადამიანს გაეცოცხლებინა მისთვის საყვარელი ყველა ის ცნობილი კადრი. თავიდან არჩევანის გაკეთებისას მსახიობებ შონ პენზე ან უილემ დეფოზე ფიქრობდა, მაგრამ საბოლოოდ გადაწყვეტილება ჯონ მალკოვიჩის სასარგებლოდ მიიღო, რომელთანაც დიდი ხნის მეგობრობა აკავშირებდა და მანამდეც ეთანამშრომლათ ერთად.

ისეთი ცნობილი მსახიობი, როგორიც ჯონ მალკოვიჩია, შეიძლება დაითანხმო კიდეც ასეთ შემოთავაზებაზე და გადატვირთული გრაფიკის მიუხედავად მცირე დროც გამონახოს ამისთვის, მაგრამ ეს ფოტოსესია სხვა მხრივაც წარმოადგენდა დიდ სირთულეს: მილერს დეტალურად უნდა აღედგინა ცნობილი ფოტოების თითოეული დეტალი, რასაც მაკიაჟის, ტანსაცმლის, გარემოსა თუ განათების უზუსტესად გათვალისწინება სჭირდებოდა.

თუმცა, ამ ორმა მეგობარმა მაინც მოახერხა და დასახულ მიზანს თვალისმომჭრელი წარმატებით მიაღწია: სანდრო მილერის ფოტოობიექტივში ჯონ მალკოვიჩმა ერთნაირი ოსტატობით გააცოცხლა აბრაამ ლინკოლნისა თუ მერლინ მონროს ცნობილი ფოტოები. ახლა სწორედ ამ ფოტოების ორიგინალთან შედარებას გთავაზობთ, რათა თავად დარწმუნდეთ რა უბადლო იუმორის პატრონია ჯონ მალკოვიჩი.

სანდრო მილერი / ალბერტ უოტსონი - ალფრედ ჰიჩკოკი (2014-1973)

ფოტო: Sandro Miller / Albert Watson

სანდრო მილერი / ვიქტორ სკრებნესკი - ბეტი დევისი (2014-1971)

ფოტო: Sandro Miller / Victor Skrebneski

სანდრო მილერი / იუსუფ ქარში - ერნესტ ჰემინგუეი (2014-1957)

ფოტო: Sandro Miller / Yousuf Karsh

სანდრო მილერი / ბერტ შტერნი - მერლინ მონრო (2014-1962)

ფოტო: Sandro Miller / Bert Stern

სანდრო მილერი / ალბერტო კორდა - ჩე გევარა (2014-1960)

ფოტო: Sandro Miller / Alberto Korda

სანდრო მილერი / დაიანა არბუსი - იდენტური ტყუპები (2014-1967)

ფოტო: Sandro Miller / Diane Arbus

სანდრო მილერი / ფილიპე ჰალშმენი - სალვადორ დალი (2014-1954)

ფოტო: Sandro Miller / Philippe Halsman

სანდრო მილერი / დოროთი ლენგი - მიგრანტი დედა (2014-1936)

ფოტო: Sandro Miller / Dorothea Lange

სანდრო მილერი / ენი ლეიბოვიცი - ჯონ ლენონი და იოკო ონო (2014-1980)

ფოტო: Sandro Miller / Annie Leibovitz