სამოქალაქო აქტივისტებმა ქვეყნის სამსახურში გლდანის ციხესთან აქცია გამართეს. აქციის მონაწილეები 20 ივნისს "გავრილოვის ღამის" საქმეზე დაკავებულ მოქალაქეებს მხარდაჭერას უცხადებენ. მათ ციხესთან მიიტანეს დინამიკები და სურთ პატიმრებს გააგონონ ხმა.

აქციის ორგანიზატორებს თან აქვთ ბანერები წარწერებით: "შერჩევითი სამართალი", "ოცნება რუსეთის სამსახურში", "თქვენ გვერდით ვართ", "არ დანებდეთ".

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

სამოქალაქო აქტივისტმა გიგა მაქარაშვილმა ციხესთან 20 ივნისის მოვლენების შემდეგ დაკავებულების სახელები და გვარები წაიკითხა.

"ყველა, ვინც სისტემის მსხვერპლია, ყველა ვიცნ უკანონოდ ზის ციხეში, არ შეშინდეთ, არ ხართ მარტო, ვიდგებით ყველგან, სადაც უფლებების დაცვა იქნება საჭირო, გამაგრდით", —თქვა გიგა მაქარაშვილმა.