Forever 21, სწრაფი მოდის დისტრიბუტორი კომპანია, რომელიც თინეიჯერების სამოსს უშვებს, ოფიციალურად გაკოტრდა. კომპანიამ განცხადება კვირას გამოაქვეყნა.

კომპანიას მსოფლიოს მასშტაბით 800-ზე მეტი მაღაზია აქვს გახსნილი და მათგან 178 დაიხურება. თუმცა, Forever 21-ის განცხადებით, კომპანია არ აპირებს ამერიკაში მდებარე დიდი მაღაზიების დაკეტვას.

ცოტა ხნის წინ, Forever 21-ს პოპულარულმა მომღერალმა არიანა გრანდემ უჩივლა მისი იმიჯის უნებართვოდ გამოყენებისთვის. პოპვარსკვლავი კომპანიისგან 10 მილიონ დოლარს ითხოვს.

აშშ-ის გაბანკროტების კოდექსის მე-11 ნაწილის მიხედვით, კომპანია წილების გაყიდვის გარეშე ეცდება კრედიტორებთან მორიგებას. გაკოტრების მიზეზი ონლაინ შოპინგის პოპულარობის ზრდაა, რამაც მაღაზიების შენახვა გააძვირა.

2019 წელს დისტრიბუტორმა კომპანიებმა ამერიკის მასშტაბით 8 200-ზე მეტი მაღაზია დაკეტეს. გასულ წელს ეს რიცხვი ჯამში 5 589 იყო.