ძლიერი წვიმის გამო ქუთაისში არამხოლოდ ქუჩები და სარდაფები, არამედ სარაგბო მოედანიც დაიტბორა. ქუთაისის აიას და თბილისის ლოკომოტივის შეხვედრა ამინდის მიუხედავად არ შეწყვეტილა და მორაგბეებმა დატბორილ მოედანზე ითამაშეს.

შეხვედრა ქუითაისის აიას გამარჯვებით, ანგარიშით 57-12 დასრულდა.

საგანგებო სიტუაციების მართვის სამსახურის განცხადებით, ქუთაისიდან 290 შეტყობინება მიიღეს. მათი თქმით, წყალი შევიდა 3 სამედიცინო დაწესებულებაში — ქუთაისის ცენტრალური საავადმყოფო ჯეო ჰოსპიტალი, წმინდა ნიკოლოზის სახელობის ქირურგიული ცენტრი და დასავლეთ საქართველოს სამედიცინო ცენტრი. მათივე თქმით, წყალი ამოტუმბეს და საავადმყოფოს ფუნქციონირებას ხელი არ შეშლია.