ჩვენმა მკითხველმა უკვე იცის, რომ პოპულარული ქართული სერიალი ჩემი ცოლის დაქალები რუსთავი 2-ზე აღარ გავა და შოუს ახალ სეზონს უკვე ფორმულას ეთერში ვიხილავთ.

აი, მოლოდინიც დასრულდა და სულ ცოტა ხნის წინ, არხის ოფიციალურ ფეისბუქზე სერიალის რამდენიმე ახალი პრომო გამოჩნდა.

როგორც რამდენიმეწამიანი პრომოდან ვიგებთ, ნინა ისევ ფორმაშია და დათოს ეუბნება - "მე შენ გაფრთხილებდი, წელს ეგ აღარ გამოვა დათო".

მეორე პრომოდან კი ვიგებთ, რომ შავლეგიკოსა და ჩიკას ისტორიის გაგრძელება, ახალი სეზონის ერთ-ერთ მთავარ ინტრიგად რჩება.

სერიალის შემქმნელები კიდევ უფრო გვაინტრიგებენ, როდესაც მესამე პრომოში უჩვეულოდ ბედნიერ ქეთის და მის ბრაზიან ქმარს, ზაზას გვიჩვენებენ.

ჩემი ცოლის დაქალები ფორმულა კრეატივის მიერ შექმნილი სატირულ-იუმორისტული ჟანრის ქართული სერიალია, რომელიც რუსთავი 2-ზე 2011 წლიდან გადიოდა.

ფორმულა კრეატივის გუნდმა თავიანთი ახალი არხის გახსნის შესახებ გავრცელებული ინფორმაცია, გასულ ზაფხულს, 1 აგვისტოს დაადასრტურა და განაცხადა, რომ ყველა პროდუქტი, რომელსაც ისინი ქმნიან, სწორედ ახალ არხზე გადავა — ფორმულა ეთერში პირველი ოქტომბრიდან გავა.