ქალთა მოძრაობამ დეპუტატ ეკა ბესელიას მხარდასაჭერად აქცია დაგეგმა. ხვალ, 27 სექტემბერს 10 საათზე აქტივისტები პარლამენტთან შეიკრიბებიან და დაგმობენ ყველა იმ პოლიტიკოსის ქცევას, რომელიც "მუდმივად ცდილობს ქალის შერცხვენას და შანტაჟს".

ორგანიზაციის განცხადებაში წერია, რომ განსაკუთრებულად ელოდებიან ქალი პოლიტიკოსების სოლიდარობას და იმას, რომ პარტიული კუთვნილების მიუხედავად მათ გვერდით დადგებიან.

"დღემდე, როგორც საჯარო, ისე პირად სფეროებში, ქალების შერცხვენის მთავარი იარაღი მივე სექსუალობაა. ქალის სექსუალობის ქალების წინააღმდე გამოენების თვალსაჩინო მაგალითია სექსუალური ხასიათის ვიდეობის ფარულად ჩაწერა და შემდეგ ონლაინ სივრცეში მათი გავრცელება, რომელიც მთავარ ტერორისტულ აქტად იქცა დღევანდელ პოლიტიკურ ცხოვრებაში ოპონენტი ქალის წინააღმდეგ", — წერია განცხადებაში.

პარლამენტში ეკა ბესელიასა და ვანო ზარდიაშვილს შორის კონფლიქტი მოხდა. ზარდიაშვილმა მოსამართლეების მოსმენის დროს ახსენა სიტყვები "ბესელიას მორალი", რის გამოც ბესელია ყოფილ თანაგუნდელს ხელით შეეხო.

ბესელია ამბობს, რომ საბოდიშო არაფერი აქვს. ის აფრთხილებს ყველას, რომ მსგავსი ქცევის შემთხვევაში, იგივე პასუხს მიიღებენ.

"ამ არარაობასთან არაფერი საქმე არა მაქვს. მას, რა თქმა უნდა, თავი არ უნდა გაუყადრო ადამიანმა, მაგრამ არც იმას არ ვაპირებ, ის შეურაცხყოფები რაც მესმოდა, უკაცრავად ამ სიტყვისთვის, გავატარო", — განაცხადა ბესელიამ.

ამავე თემაზე: