დამოუკიდებელი დეპუტატი ეკა ბესელია, რომელიც ყოფილ თანაგუნდელს, ვანო ზარდიაშვილს სახეში ხელი გაარტყა ამბობს, რომ საბოდიშო არაფერი აქვს. ბესელია აფრთხილებს ყველას, რომ მსგავსი ქცევის შემთხვევაში, იგივე პასუხს მიიღებენ.

"რამდენჯერაც იქნება, ასეთი ამორალური პროვოკაცია და თავდასხმა; მისი მხრიდან ქონდა ამის მცდელობას ადგილი ჩუმად, არაკაცულად, რომ თქვენ ვერ გაგეგოთ მისი შეურაცხმყოფელი სიტყვები, მაგრამ მე გავიგონე; რამდენჯერაც ამას გაბედავს ან ეგ, ან რომელიმე, მიიღებს პასუხს", — განაცხადა დეპუტატმა.

პარლამენტში ეკა ბესელიასა და ვანო ზარდიაშვილს შორის კონფლიქტი მოხდა. ზარდიაშვილმა მოსამართლეების მოსმენის დროს ახსენა სიტყვები "ბესელიას მორალი", რის გამოც ბესელია მას ხელით შეეხო.

"ამ არარაობასთან არაფერი საქმე არა მაქვს. მას, რა თქმა უნდა, თავი არ უნდა გაუყადრო ადამიანმა, მაგრამ არც იმას არ ვაპირებ, ის შეურაცხყოფები რაც მესმოდა, უკაცრავად ამ სიტყვისთვის, გავატარო", — განაცხადა ბესელიამ.