შინაგან საქმეთა სამინისტროს ინფორმაციით, ჩინური მასაჟის სალონების 3 თანამშრომელი პროსტიტუციისთვის ადგილის გადაცემის ბრალდებით დააკავეს.

შსს-ს ცნობით, თბილისის სხვადასხვა უბანში მდებარე სალონების სამივე თანამშრომელი ჩინეთის მოქალაქეა. გამოძიების ინფორმაციით, ბრალდებულები გარკვეული პერიოდის განმავლობაში, ქალებს პროსტიტუციისთვის ფართს გასამრჯელოს სანაცვლოდ უთმობდნენ.

უწყების თქმით, სამართალდამცავებმა სალონებში მომუშავე ქალები მოწმის სახით დაკითხეს.

შსს-ს ინფორმაციითვე, გამოძიება სისხლის სამართლის კოდექსის 254-ე მუხლით მიმდინარეობს, რაც პროსტიტუციისთვის ადგილის ან საცხოვრებლის გადაცემას გულისხმობს და ისჯება ჯარიმით ან თავისუფლების აღკვეთით ორიდან ოთხ წლამდე.