რუსთავი 2-ის ფეისბუქგვერდზე ნიკა გვარამიას ტელევიზიის, მთავარი არხის ერთ-ერთი ფეისბუქგვერდიდან ნიუსი გამოქვეყნდა. "ყველა ახალი ამბავი, ყველა ექსკლუზივი ნახეთ ამ გვერდზე mtavari news", — ეწერა პოსტზე.

ფოტო: კადრი ეკრანიდან / რუსთავი 2 / FB

როგორც On.ge-ს მთავარი არხის საინფორმაციო სამსახურის უფროსმა, ნოდარ მელაძემ განუცხადა ორივე არხის ფეისბუქგვერდს ერთი ადამიანი მართავდა და გაზიარებისას შეცდომა დაუშვა. ამ მომენტისთვის პოსტი აღარ იძებნება.

მთავარი არხი რუსთავი 2-დან გათავისუფლებული დირექტორის, ნიკა გვარამიას დაარსებული ტელევიზიაა, სადაც ამავე არხიდან გამოშვებული და წამოსული ჟურნალისტები მუშაობენ. მთავარი არხი ეთერში დღეს, 9 სექტემბერს, 9 სათზე გავა.