ყოფილი პრემიერ-მინისტრის, მამუკა ბახტაძის თქმით, 20 ივნისის ღამე არის ტკივილი და ტვირთი, რომელიც მას ცხოვრების ბოლომდე გაჰყვება. ამასთანავე, ბახტაძემ თავისი განცხადება შეაფასა, როდესაც თქვა, რომ ტყვიები ქართული ოცნების ხელწერა არასდროს ყოფილა.

"აქაც სიტუაცია იყო ძალიან ერთმნიშვნელოვანი. შვიდი წელია, რაც ქართული ოცნება არის ხელისუფლებაში და მოახდინა იმის დემონსტრირება თუ რა ღირებულებებით საუბრობს ის საზოგადოებასთან. როდესაც მე ეს სიტყვები ვთქვი, განწყობა იყო ასეთი, ეს განწყობა ერთი წამითაც არ შეცვლილა. ამავე დროს, თქვენ თვითონ შემდეგ ნახეთ ის კადრები, თუ როგორ მიმდინარეობდა შტურმი საქართველოს პარლამენტის და პოლიცია, პასიური კორდონი ფიზიკურად ვეღარ აუწევდა წინააღმდეგობას შტურმს. მათ მოუწიათ სპეციალური საშუალებების გამოყენება, სამწუხაროდ", — განაცხადა ბახტაძემ.

მამუკა ბახტაძემ პრემიერ-მინისტრის პოსტი დღეს, 2 სექტემბერს დატოვა. ამის შესახებ მან ფეისბუქზე დაწერა. მამუკა ბახტაძემ აღნიშნული თანამდებობა 2018 წლის ივნისში დაიკავა.

ამავე თემაზე: