ევროპასთან ინტეგრაციის კომიტეტის თავმჯდომარის, თამარ ხულორდავას განცხადებით, პრეზიდენტ სალომე ზურაბიშვილის მიერ პოლიციელის მკვლელობაში მსჯავრდებულის შეწყალება გაუგებარია. ამის შესახებ ჟურნალისტებს ხულორდავამ პარლამენტში განუცხადა.

"ეს არის პრეზიდენტის პრეროგატივა, ეს მისი კონსტიტუციური უფლებაა. ჩემთვის ეს გადაწყვეტილება არის გაუგებარი. მეტ კომენტარს ამაზე ვერ გავაკეთებ", — თქვა ხულორდავამ.

საქართველოს პრეზიდენტმა, სალომე ზურაბიშვილმა შეიწყალა კაცი, რომელმაც ბათუმში პოლიციელი თარაშ მუკბანიანი მოკლა.