ამერიკელი გამომგონებლები არაერთი უცნაური იდეის ავტორები არიან. ამაში დასარწმუნებლად შეერთებული შტატების პატენტებისა და საბაზრო მარკების ოფისის არქივში ჩახედვაც საკმარისია. თუმცა, უნდა ვაღიაროთ, რომ ქვემოთ ჩამოთვლილი მაგალითებიდან ზოგიერთი მართლაც კარგი მიგნებაა.

ტრანსფორმირებადი მანქანიდან დაწყებული, სარწეველა აბაზანითა და თმის იდეალურად შემჭრელი მოწყობილობით დასრულებული, 1870-1950 წლებით დათარიღებული ეს პატენტები ცოტა ხნით დროში უკან დაბრუნებასაც კი მოგანდომებთ.

1. მაღვიძარა, რომელიც, ცოტა არ იყოს და, უხეშად გაღვიძებთ

ეს მაღვიძარა საათის მექანიზმით მოძრაობაში მოყვანილ ანტენას პირდაპირ შუბლში მოგარტყამთ. ამის მერე დილის შეხვედრებზე უკვე გარანტირებულად აღარასდროს დაგაგვიანდებათ. პატენტი, დაახლოებით, 1919 წლით თარიღდება.

2. ზამბარებიანი ფეხსაცმელი

თუ სასწაული მოხდა და მაღვიძარამ არ იმუშავა, არ იდარდოთ - ფეხსაცმელზე დამაგრებული ზამბარებიანი მოწყობილობა უფრო სწრაფად და მარტივად გადაადგილებაში დაგეხმარებათ. პატენტის გაცემის დრო, დაახლოებით, 1920 წელია.

3. სარწეველა სავარძელი აბაზანით

კომბინირებული სარწეველა, რომელიც კომფორტული სკამის ფუნქციასთან ერთად აბაზანის დანიშნულებასაც ითავსებს, სასიამოვნოსა და სასარგებლოს ჩინებულად უხამებს ერთმანეთს. შექმნილია 1899 წელს.

4. კეპი სავარცხლით

კომბინირებული ქუდი, რომელიც, პირდაპირი დანიშნულების გარდა, სავარცხლის ფუნქციასაც ითავსებს, უწყებაში 1920 წელს დააპატენტეს. ქუდის შიდა მხარეს სავარცხელი ისეა მიმაგრებული, რომ მისი მოხდისას თმა ავტომატურად ივარცხნება.

5. ვერტიკალურად პარკირებადი მანქანა

მანქანა დასაკეცი სახურავითა და საქარე მინებით ისეა აწყობილი, რომ მისი პარკირება, ნაკლები ადგილის დასაკავებლად, ვერტიკალურადაცაა შესაძლებელი. ეს გამოგონება განსაკუთრებულად მიმზიდველი უნდა იყოს თანამედროვე ქალაქებში მცხოვრებთათვის. პატენტი თარიღდება 1926 წლით.

6. ულვაშის პირბადე

1876 წელს დაპატენტებული ულვაშის პირბადე ჭამისა და დალევის დროს სახის თმას დასვრისაგან იცავს.

7. თასის ფორმის თმის შესაჭრელი მოწყობილობა

თმის შესაჭრელი მოწყობილობა სტილისტისთვის შესაძლებელს ხდიდა, ერთ დროს ბავშვებში განსაკუთრებულად პოპულარული ვარცხნილობა, ბობი, იდეალური სიზუსტით შეეკრიჭა. პატენტი შექმნილია 1920 წელს.

8. წყლის იარაღი

1884 წლის ეს გამოგონება რკინიგზის ლიანდაგებიდან ცხოველების გადასარეკად უნდა გამოყენებულიყო. ის შემდეგნაირად მუშაობს: მოწყობილობა, რომელიც ლოკომოტივზეა დამაგრებული, მიერთებულია ცხელი წყლის მილთან, რომელიც რელსებზე მყოფ ცხოველს უნდა დაუმიზნო.

9. მანქანა-ტრანსფორმერი

მბრუნავი წინა და უკანა განყოფილებების მქონე მანქანა, რომლის ტარება ორივე ბოლოდანაა შესაძლებელი, თავის ნამდვილ ჯეიმს ბონდად გაგრძნობინებდათ. პატენტი 1953 წლით თარიღდება.

10. მაღვიძარა საწოლი

ეს მაღვიძარა საწოლი 1900 წელსაა შექმნილი და შემდეგნაირად მუშაობს: როდესაც გაღვიძების დრო მოვა, ის მძინარეს 45-გრადუსიანი კუთხით ჰაერში წევს. სუსტი გულის პატრონთათვის რეკომენდირებული არაა.

11. მკერავი მაკრატელი

ეს გამოგონება, ფაქტობრივად, მცირე ზომის საკერავი მანქანაა, რომელიც მაკრატლის პირის ორივე ნაწილზე ისეა მიმაგრებული, რომ ხელის მარტივი მოძრაობით, ჭრის ნაცვლად, გაკერინებს. პატენტი დამტკიცდა 1858 წელს.

12. იატაკის მოსაპრიალებელი ჩუსტები

1915 წლის დიზაინით შექმნილი ჩუსტები, რომლებიც ერთმანეთზე თოკით არიან გადაბმულები, იატაკის მარტივად მოსაპრიალებლადაა განკუთვნილი. მთავარია, ფეხი არ დაგიცდეთ!

13. პორტატული ჰამაკი

პატარა, კომპაქტური, სამოგზაურო ჰამაკი იდეალურია ისეთი მოგზაურობებისთვის, როდესაც მოსასვენებლად საჭირო დრო და სივრცე არ გაქვს. ის შეგიძლია, მატარებლის ორ სკამს შორის გადაკიდო და კომფორტულად მოთავსდე. დიზაინი 1889 წელს დაპატენტდა.

14. ცხენის თავზე დასამაგრებელი სანათი

1879 წლის ეს პატენტი გზის გასანათებელი მოწყობილობაა, რომელიც ცხენის აღვირზე, ზუსტად ყურებს შორის მაგრდება.

15. საწამლავის ბოთლი

თავის ქალის რელიეფიანი ბოთლი საწამლავის მოსათავსებლად იმიტომაა ზედგამოჭრილი, რომ, მსგავსი დიზაინის წყალობით, ნაკლები შანსია, ის ბავშვს ან უსინათლო ადამიანს რამე სხვაში აერიოს. პატენტი 1875 წლით თარიღდება.

16. გამაგრილებელი სავარძელი

ეს სავარძელი ცირკულაციით გაგრილებულ ჰაერს მასში მჯდომი ადამიანის თავთან ატრიალებს. მისი მექანიზმის ასამუშავებლად მხოლოდ სავარძლის დარწევაა საჭირო. ეკოლოგიურად სუფთა ენერგიის გამომუშავებაც ასე უნდა! შექმნილია 1869 წელს.