ზუგდიდის რაიონის სოფელ დიდნეძში ქართული ოცნების აქტივისტების ცემის ფაქტზე შინაგან საქმეთა სამინისტრომ ნაციონალური მოძრაობის 2 წევრს ბრალი წაუყენა.

როგორც შსს-ში On.ge-ს განუცხადეს, მათ ბრალი სსკ-ს 162-ე პრიმა მუხლით წაუყენეს, რაც გულისხმობს წინასაარჩევნო აგიტაციის ან წინასაარჩევნო კამპანიის ღონისძიების დროს ძალადობას ან ძალადობის მუქარას.

1-ელ ოქტომბერს, გვიან ღამით, ზუგდიდის რაიონის სოფელ დიდნეძში ქართული ოცნების აქტივისტებს ფიზიკურად იმ დროს გაუსწორდნენ, როცა ისინი სოფელში სააგიტაციო მასალას არიგებდნენ.