შინაგან საქმეთა სამინისტროს ცნობით, 2019 წლის ექვს თვეში (იანვარი-ივნისი) 5 399 შემაკავებელი ორდერი გამოიცა, ხოლო 2018 წლის ექვს თვეში — 3 292. შსს-ს სტატისტიკით, ამავე პერიოდში შემაკავებელი ორდერის დარღვევისათვის პასუხისგებაში მისცეს 144 პირი, რაც ორდერების დარღვევის 3 პროცენტიანი მაჩვენებელია. ხოლო 2018 წელს დაფიქსირდა შემაკავებელი ორდერის დარღვევის 6 პროცენტიანი მაჩვენებელი. უწყების მტკიცებით, დამრღვევი 137 შემთხვევაში იყო კაცი, ხოლო შვიდ შემთხვევაში — ქალი.

უწყების მიერ მოწოდებული შემაკავებელი ორდერების გამოცემის რეგიონული მაჩვენებელი შემდეგია:

  • თბილისი — 2 655;
  • იმერეთი, რაჭა-ლეჩხუმი, ქვემო სვანეთი — 563
  • ქვემო ქართლი — 477;
  • კახეთი — 443;
  • აჭარა — 428;
  • შიდა ქართლი — 345;
  • სამეგრელო-ზემო სვანეთი — 258;
  • მცხეთა-მთიანეთი — 131;
  • სამცხე-ჯავახეთი — 66;
  • გურია — 33.