თბილისში სხვა ქალაქებიდან შემომავალი საზოგადოებრივი ტრანსპორტი მგზავრებს დედაქალაქის შემოსასვლელებთან ჩამოსვამს და ქალაქში გადაადგილებას ვეღარ შეძლებს. ამის შესახებ ინტერპრესნიუთან ინტერვიუში კომპანია სისტრა სპექტრუმ კონსალტინგის ჯგუფის ხელმძღვანელმა, ასმათ აბესაძემ განაცხადა. ფრანგული კომპანია სისტრა თბილისის საზოგადოებრივი ტრანსპორტის რეორგანიზაციაზე მუშაობს.

"ჩვენი ჯგუფის რეკომენდაციაა, სხვა ქალაქებიდან შემოსულმა მგზავრმა თბილისის მუნიციპალიტეტის ტერიტორიაზე სპეციალურად დადგენილ სადგურებზე დაასრულოს მგზავრობა და იქედან გააგრძელოს თბილისის საზოგადოებრივი ტრანსპორტით. თბილისის მერიასთან უნდა იყოს შეთანხმებული მარშრუტი, სად ჩამოსვამს მძღოლი ბათუმიდან, ქუთაისიდან, რუსთავიდან თუ სხვა ქალაქიდან შემოსულ მგზავრს", — ამბობს აბესაძე.

მისივე განცხადებით, მგზავრობა უნდა დასრულდეს ქალაქ თბილისის მერიის მიერ დადგენილ სატერმინალო სადგურში.

ამაზე თემაზე: