თბილისში ჭავჭავაძის გამზირის მსგავსად ავტობუსის ხაზი ქუჩის შუაშია, შესაძლოა, რუსთველის გამზირზეც მოეწყოს. ამის შესახებ კომპანია სისტრას ამის შესახებ ინტერპრესნიუთან ინტერვიუში კომპანია სისტრა სპექტრუმ კონსალტინგის ჯგუფის ხელმძღვანელმა, ასმათ აბესაძემ განაცხადა. ფრანგული კომპანია სისტრა თბილისის საზოგადოებრივი ტრანსპორტის რეორგანიზაციაზე მუშაობს.

"ხიზანიშვილისა და ვეკუას ქუჩებზე ავტობუსის ზოლები გვერდებზე იქნება და არა შუაში. მაგრამ ჭავჭავაძეზე ვფიქრობთ, შუა ზოლი გავაკეთოთ. იგივე რეკომენდაცია გვაქვს რუსთაველის გამზირზეც", — ამბობს აბესაძე.

მისივე თქმით, თბილისში ათ ძირითად დერეფას ავტობუსების გამოყოფილი ხაზი ექნება. აბესაძის ინფორმაციით, მერია ათი დერეფნის დეტალურ პროექტირებაზე ფასთა კვოტირებას ატარებს, შემდეგ ტენდერს გამოაცხადებს და ტენდერში გამარჯვებული დააპროექტებს ამ დერეფნებს.

"ამოჩემება არ არის, რომ ავტობუსის ზოლი მაინცდამაინც შუაში იყოს. გააჩნია ტროტუარის კონფიგურაციას, პროფილს. თუ ხეების მოჭრა მოგვიწია, მაშინ ჯობს ეს ზოლი შუაში იყოს", — თქვა კომპანიის ხელმძღვანელმა.

ამავე თემაზე: